ეკონომიკის სამინისტროს მეწარმეობის განვითარების სააგენტო აგრძელებს პროგრამას „აწარმოე საქართველოში.“

15 თებერვლიდან 31 მარტამდე მთელი ქვეყნის მასშტაბით რეგიონის მოსახლეობას კვლავ ეძლევა შესაძლებლობა წარადგინოს საკუთარი ბიზნეს იდეა ვებ-გვერდის მეშვეობით www.qartuli.ge და ჩაერთოს მიკრო და მცირე მეწარმეობის ხელშეწყობის პროგრამაში.

პროგრამის პირველ ეტაპზე ხარაგაულის მუნიციპალიტეტში ექვსი პროექტი დაფინანსდა:
– ხათუნა ლურსმანაშვილის ოპტიკის მაღაზია ხარაგაულში,
– დინარა ხაჩიძის პურის საცხობი ღორეშაში,
– ბესიკ ხიჯაკაძის სათბური ვარძიაში,
– თინათინ დავაძის სამკერვალო დაბა ხარაგაულში,
– ნუგზარ ტაბატაძის ხის საამქრო სოფელ ხევში,
– გია ტყეშელაშვილის ავეჯის საამქრო დაბა ხარაგაულში.

ჩაერთეთ განახლებულ კონკურსში 31 მარტამდე და მიიღეთ დაფინანსება თქვენი ბიზნესიდეის განსახორციელებლად.

ფოტოზე: ხათუნა ლურსმანაშვილის ოპტიკის მაღაზია ხარაგაულში