საინფორმაციო ცენტრი ნატო-სა და ევროკავშირის შესახებ, მიმდინარე წლის 24 სექტემბერიდან 19 ნოემბრის ჩათვლით აცხადებს ონლაინ კურსის მეორე ნაკადზე სწავლებას ევროკავშირის შესახებ.

კურსის დასრულების შემდეგ (60%-ის დასწრების შემთხვევაში, რომელიც 6 ლექციას მოიცავს) გაიცემა „სრული კურსის გავლის“ სერთიფიკატი.

სერთიფიკატების გადაცემა მოხდება ორგანიზაციის დაფუძნების, საიუბილეო ერთი წლის ღონისძიებაზე – მიმდინარე წლის 27 ნოემბერს.

ონლაინ კურსი განკუთვნილია ახალგაზრდებისთვის, (15-დან 29 წლამდე), რომლის ფარგლებში მონაწილეები გაიღრმავებენ ცოდნას შემდეგ საკითხებზე:

  • ევროკავშირის ჩამოყალიბებისა და გაფართოების პოლიტიკა;
  • რატომ არის ქართველი ევროპელი? – ისტორიიდან თანამედროვეობამდე;
  • ევროკავშირში გაწევრიანების კრიტერიუმები (კოპენჰაგენის კრიტერიუმები) და წევრობისთვის აუცილებელი პროცედურები;
  • საქართველო-ევროკავშირის ურთიერთობების დინამიკა;
  • ევროკავშირთან თანამშრომლობის ხელშესაგები სარგებელი – ევროკავშრთან თავისუფალი ვაჭრობა და ვიზალიბერალიზაცია;
  • საქართველო-ევროკავშირის ასოცირების შეთანხმება: სტრუქტურა, შინაარსი და მიზნები (სამათლებრივი და ინსტიტუციური დაახლოვება);
  • საფრანგეთი და ევროკავშირის გაფართოება სტრატეგიული შესაძლებლობა თუ პოლიტიკური გამოწვევა;
  • პროპაგანდა საქართველოს წინააღმდეგ.

რეგისტრაციის გავლა შესაძლებელია მითითებულ ლინკზე.