„დევნილთა და ეკომიგრანტთა აგრომეურნეობების ხელშეწყობის პროგრამის“ ფარგლებში განაცხადების მიღება დაიწყო.

სააგენტო პროგრამაში გამარჯვებულ იძულებით გადაადგილებულ პირებს სასოფლო-სამეურნეო საქმიანობის ხელშეწყობის მიზნით, ხელის ტრაქტორებს, სხვადასხვა სახეობის მრავალწლიან კულტურებს, სასოფლო-სამეურნეო, სურსათის წარმოებისა და გადამუშავებისთვის საჭირო ინვენტარს შეუძენს.

პროგრამის ფარგლებში, მთელი ქვეყნის მასშტაბით, იძულებით გადაადგილებული 300-მდე პირი დაფინანსდება.

განაცხადების მიღება სააგენტოსა და მის ტერიტორიულ სამსახურებში 31 ივლისის ჩათვლით გაგრძელდება:

▪︎ თბილისი, თამარაშვილის  ქ.N15ა;
▪︎ გორი, სამების ქ.N1;
▪︎ რუსთავი, მე-17 მ/რ, N20ა;
▪︎ ზუგდიდი, დ. აღმაშენებლის ქ.N106;
▪︎ ქუთაისი, ი. აბაშიძის გამზ. N27.

განაცხადის გაგზავნა სააგენტოს ოფიციალურ ელექტრონულ ფოსტაზეც info@idp.gov.ge შესაძლებელია.

პროგრამის მთავარ მიზანს დევნილთა და ეკომიგრანტთა სასოფლო-სამეურნეო ინიციატივების მხარდაჭერა წარმოადგენს, რაც ხელს შეუწყობს მათი შემოსავლის ზრდას.

დევნილთა და ეკომიგრანტთა აგრომეურნეობების ხელშეწყობის საგრანტო პროგრამას გაეცანით სააგენტოს ვებგვერდზე.

განაცხადის ფორმა იხიილეთ ამ ბმულზე.

წყარო