დღეიდან, 8 ივნისიდან, საგარეუბნო მატარებელი ხაშური-ზესტაფონი-ხაშური მხოლოდ დილით და საღამოთი იმოძრავებს.

ზესტაფონი-ხაშურის მატარებლის შუადღის რეისი მოიხსნა. „საქართველოს რკინიგზადან“ მოპოვებული ინფორმაციით, ამის მიზეზი მგზავრთა სიმცირეა. ეს საგარეუბნო მატარებელი ზესტაფონიდან 14:15 საათზე გამოდიოდა.

ხაშურიდან ეს მატარებელი ზესტაფონის მიმართულებით დილით 07:45 საათზე გამოდის, ზესტაფონიდან ხაშურის მიმართულებით 16: 45 საათზე ბრუნდება.

ამ ინფორმაციას სოციალურ ქსელში მოქალაქეები გამოეხმაურენ.