დღეს, 24 აგვისტოს, ხარაგაულის მუნიციპალიტეტის საკრებულოს წევრების (გარდა საკრებულოს თანამდებობის პირებისა) უფლებამოსილების განხორციელებასთან დაკავშირებული ხარჯების ანაზღაურების ახალი წესი დაამტკიცეს.

ამისთვის საკრებულოს თავმჯდომარემ ბიუროსა და საკრებულოს რიგგარეშე სხდომები მოიწვია.

„თვითმმართველობის კოდექსის 156-ე მუხლში შევიდა ცვლილება, – განმარტავს საკრებულოს აპარატის უფროსი ლენა კალანდაძე, – 41-ე მუხლის მესამე პუნქტის შესაბამისად, საკრებულოს წევრის უფლებამოსილებასთან დაკავშირებული ხარჯების ანაზღაურება უნდა განისაზღვროს საკრებულოს თავმჯდომარის მუნიციპალიტეტისათვის დამტკიცებული თანამდებობრივი სარგოს მაქსიმალური ოდენობის არაუმეტეს 15%-ისა, – ასეთი ჩანაწერია კანონში.

დღემდე დეპუტატები ანაზღაურებას იღებდნენ მუნიციპალიტეტის ცენტრიდან ადმინისტრაციული ერთეულების დაცილების მიხედვით.

საკრებულოს თავმჯდომარის ანაზღაურების მაქსიმალური ოდენობა ჩვენნაირი მუნიციპალიტეტებისთვის 2 650 ლარია და დეპუტატებზე ხარჯების ასანაზღაურებლად განვსაზღვრეთ 397 ლარი, – ამიერიდან ყველა მიიღებს ერთნაირად.

ცვლილება შევიდა საგადასახადო კოდექსის მეათე მუხლში და ეს თანხა აღარ დაიბეგრება,“ – ამბობს ლენა კალანდაძე.