5 და 6 ოქტომბერს ზესტაფონის მუნიციპალიტეტი ქართული ლირიული სიმღერის ფესტივალს „სულიკო 2024“ და „ზესტაფონქალაქობის“ ტრადიციულ სახალხო დღესასწაულს უმასპინძლებს.

ლირიული სიმღერის ფესტივალში იმერეთის რეგიონში მოქმედი მუსიკალური ჯგუფები მონაწილეობენ.

5 ოქტომბერს სოფელ ცხრაწყაროში, მაყურებლისა და ჟიურის წინაშე ანსამბლი „ხარაგაული“ (ხელმძღვანელი მადონა გაფრინდაშვილი) წარსდგება. ანსამბლი ორ სიმღერას შეასრულებს – რუსუდან სებისკვერაძის „იმერეთი“ და მარიკა კვალიაშვილის „შენ თუ მოხვედი“.

აღსანიშნავია, რომ გასულ წელს „სულიკო 2023“-ზე საუკეთესო ვოკალური ჯგუფის პრიზით „ხარაგაულის კვარტეტი“ დაჯილდოვდა.

წარმატებებს ვუსურვებთ ხარაგაულის ანსამბლს.