8-9 ივლისს „ნიკო კეცხოველის სასკოლო პრემია-2024”-ის რეგიონული ტური გაიმართა იმერეთის და ქვემო ქართლის სკოლებისთვის.

იმერეთიდან ფინალში შემდეგი სკოლები გავიდნენ:

  • ხარაგაულის მუნიციპალიტეტის სოფელ კიცხის სკოლა;
  • საჩხერის მუნიციპალიტეტის სოფელ სარეკის სკოლა;
  • ქალაქ ბაღდათის N2 სკოლა:
  • ქალაქ ტყიბულის.N2 სკოლა;
  • ქალაქ ქუთაისის N21 სკოლა
  • (წყალტუბოს წმინდა გაბრიელ ეპისკოპოსის სახელობის მართლმადიდებლური სკოლა-გიმნაზია, როგორც საუკეთესო მაღალქულიანი ხუთეულის წევრი გუნდი, უკონკურსოდ გავიდა ფინალში).

კიცხის საჯარო სკოლიდან პრეზენტაცია განხორციელებულ აქტივობებთან დაკავშირებით წარადგინა მათე ხიჯაკაძემ.

„მერვე წელია, ჩვენი სკოლა „ნიკო კეცხოველის სასკოლო პრემიის“ პროექტში ვმონაწილეობთ და ვერ მივატოვეთ იმიტომ, რომ საუკეთესოა. მადლობა „ნიკო კეცხოველის პრემიის“ დიდ გუნდს, ამ შესაძლებლობისთვის“ – ამბობს კიცხის საჯარო სკოლის ეკოკლუბის „მწვანე ხელები“ ლიდერი მასწავლებელი ელისო არჯევანიძე.

„ჩემი ხარაგაულის“ რედაქცია გულითადად ვულოცავთ კიცხის სკოლას მორიგ წარმატებას და ფინალში გამარჯვებას ვუსურვებთ.

ამავე თემაზე
კიცხის სკოლის ეკოკლუბი „მწვანე ხელები“  „ნიკო კეცხოველის სასკოლო პრემიის“ ნახევარფინალისთვის ემზადება

გარემოში პლასტმასის დაგროვებით სათბური აირები გამოიყოფა, რაც კლიმატის ცვლილებაზე ახდენს გავლენას