„Რამდენი ხანია ვიხვეწები, ქარმა სახურავი დაუზიანა ჩვენს კორპუსს და რაღაცა მოგვიხერხეთ-თქო… ჰოდა, წუხელ ნახევარი მხარე სულ ააძრო და წარმოიდგინეთ, რა სიტუაცია გვექნება ზედა სართულზე მაცხოვრებლებს… ჩემი ეზოს სახელით ერთ კაი კონცერტს ვუკვეთავ“, – წერს სოციალურ ქსელში ხარაგაულში, მრავალბინიან კორპუსში მცხოვრები მარინა გოგია და საკუთარ საცხოვრებელ ბინაში წვიმით გამოწვეული ვითარების ამსახველ ფოტოს აქვეყნებს.

„მასე წვიმს, კინოთეატრშიც … რკინიგზის სკოლაშიც… კულტურის ცენტრის სარეპეტიციო დარბაზში… მაგრამ რა მოხდა მერე ?? გარედან ყველაფერი ლამაზი და მშვენიერი ჩანს“, – სოციალურ ქსელში პასუხობს ხარაგაულელი მაია ბერაძე.

ახალაშენებულ კიცხის სკოლაშიც… – წერენ სხვები.

სოციალურ ქსელში ამ კომენტარებს ხარაგაულის მერი კობა ლურსმანაშვილი ეხმიანება და შეგიძლიათ, თავად გაეცნოთ.

ჩვენ კი მარინა გოგიასა და „კონცერტების დაკვეთით“ დაინტერესებულ სხვა პირებსა შევახსენებთ, თუ რა დაგვიჯდა ხარაგაულში 2023 წლის 24 დეკემბრისთვის დაკვეთილი კონცერტი/საახალწლო ღონისძიება და თანხა როგორ გაიხარჯა.