მსუბუქი და სამგზავრო ავტოტრანსპორტისთვის რიკოთის საუღელტეხილო გზაზე  გადაადგილება შესაძლებელი იქნება დღე-ღამის ნებისმიერ მონაკვეთში.

მისაბმელიანი და ნახევრადმისაბმელიანი ავტოტრანსპორტისთვის გადაადგილების სპეციალური რეჟიმი ძალაში რჩება. თუმცა იზრდება 4 საათით.

შესაბამისად, მისაბმელიანი და ნახევრადმისაბმელიანი ავტოტრანსპორტის გადაადგილება რიკოთზე დაშვებული იქნება ორმხრივად, 21:00 საათიდან 07:00 საათამდე.

ამ ინფორმაციას საავტომობილო გზების დეპარტამენტი ავრცელებს.

რიკოთის მშენებარე ავტობანზე, ავტომანქანებისთვის სპეცრეჟიმის დაწესება სოფელ ხევში 30 მარტს მეწყერის ჩამოწოლამ გამოიწვია.