ხარაგაულის სახალხო თეატრი დღეს, 22 ივნისს, 19:00 საათზე, ქუთაისის ლადო მესხიშვილის თეატრში, თეატრალური ფესტივალის ფარგლებში, სპექტაკლს გამართავს.

„დოდოს მოლოდინში“ – ეს სპექტაკლი დათო ტურაშვილის ამავე სახელწოდების პიესის მიხედვით რეჟისორმა ირინე ჩხეიძემ დადგა.

„რამდენი ხანია, უკვე ამ დღეს ველოდებით, რამდენი ხანია უკვე ჩვენი გმირების ცხოვრებას ვირგებთ, მათი სახეების შექმნაზე ვფიქრობთ, მათ საფიქრალზე გვეფიქრება, ზოგჯერ გვეტირება და ზოგჯერ გვეცინება კიდეც, – ამბობს ირინე ჩხეიძე, – ვნერვიულობ და სხვებსაც ვანერვიულებ.

მოკლედ ამ ამბებში უკვე პრემიერის დღე დადგა – მესხიშვილის სცენაზე ჩვენი საყვარელი ავტორის, დათო ტურაშვილის პიესას ვითამაშებთ“.

ამ სპექტაკლის რეჟისორი, სცენოგრაფი და მუსიკალური გამფორმებელია ირინე ჩხეიძე, ოპერატორები – დავით კვირიკაშვილი, ირაკლი შარიქაძე, ზაზა ტაბატაძე, ქორეოგრაფი – ზაზა ლურსმანაშვილი, მხატვარი გაიოზ შუბითიძე.
მონაწილეობენ ლუიზა კიკნაძე,ირინე ჩხეიძე, ლია ჭიპაშვილი, მაია ბერაძე, ბათუ კიკნაძე, ვასიკო კიკნაძე, დავით ჭყოიძე, გიორგი ჭიპაშვილი.

წარმატებებს ვუსურვებთ ხარაგაულის სახალხო თეატრს იმერეთის თეატრალურ ფესტივალზე.

ამავე თემაზე დაგაინტერესებთ

ირინე ჩხეიძე – სპექტაკლმა ადამიანი პრობლემაზე უნდა დააფიქროს