გედსამანიიდან უბისამდე მგზავრთა ტრანსპორტირებას ტენდერში გამარჯვებული ი/მ „თეიმურაზ ტაბატაძე“ 17 ადგილიანი მიკროავტობუსით უზრუნველყოფს.

ეს მუნიციპალური ტრანსპორტი გედსამანიიდან ხუნევის გავლით სოფელ ხევამდე და ხევიდან ახალი ავტობანის გავლით ვერტყვიჭალამდე; შემდეგ – ვერტყვილის, საქასრიის, ბორითისა და მაქათუბნის გავლით – უბისამდე და უკან სოფელ გედსამანიამდე იმოძრავებს.

მიკროავტობუსი მგზავრებს მოემსახურება კვირაში ხუთი დღე, – ორშაბათიდან პარასკევის ჩათვლით და დღეში შეასრულებს ორ სვლაგეზს:

გედსამანიიდან გასვლა – 07:30 სთ.; უბისიდან გამოსვლა – 08:30 სთ;

გედსამანიიდან გასვლა – 14:00 სთ.; უბისიდან გამოსვლა – 15:00 სთ.

მგზავრობის ღირებულება ამ მარშრუტებზე ერთი ლარია. მგზავრთა ტრანსპორტით მომსახურება 10 აპრილიდან დაიწყება.

გედსამანია-უბისის მონაკვეთზე ტრანსპორტის დანიშვნის აუცილებლობა რიკოთის ავტობანის რამდენიმე გვირაბის ექსპლუატაციაში შესვლის შემდგომ დადგა, რადგან ხარაგაულის მუნიციპალიტეტის სოფლები – ვერტყვიჭალა, ხუნევი, გედსამანია, ბჟინევი და ვერტყვილა ავტობანის მიღმა დარჩა და ფაქტობრივად გარესამყაროს მოწყდა.