89 წლის ასაკში ფილოლოგი, მთარგმნელი და ლიტერატორი, ილიას სახელმწიფო უნივერსიტეტის პროფესორი ზურაბ კიკნაძე გარდაიცვალა.

ზურაბ კიკნაძე იკვლევდა შუამდინარულ ლიტერატურას, მითოლოგიას, ქრისტიანულ კულტურას, ბიბლიის თარგმანსა და ეგზეგეტიკას. იგი რამდენიმე წიგნისა და სამეცნიერო ნაშრომის ავტორია.

„ოდისეის“ თარგმნისათვის ზურაბ კიკნაძემ 1978 წელს ივანე მაჩაბლის სახელობის პრემია მიიღო. 1986 წელს თბილისის სახელმწიფო უნივერსიტეტის პრემიის ლაურეატი გახდა, 2005 წელს კი სახელმწიფო პრემია მიენიჭა.

ზურაბ კიკნაძე წარმოშობით ხარაგაულიდანაა. ხარაგაულის სოფელ სხლითში ბელგიისა და ჰოლანდიის ეპარქიის ეპისკოპოს მეუფე დოსითეოსთან (ბოგვერაძე) ერთად 2022 წლის ივლისში სტუმრობისას ბატონი ზურაბი ამბობს, რომ მისთვის საქართველოს სიყვარული კერძო, კონკრეტული ადგილიდან იწყება.