„საბამ“ კიდევ ერთი ლიტერატურული წელი შეაჯამა. 2022 წელი ლიტერატურული პრემია „საბასთვის“ საიუბილეო გახლდათ – კონკურსი მეოცედ გამოცხადდა.

სხვადასხვა ნომინაციების მიხედვით გამარჯვებულები ჟიურიმ გამოავლინა. წელს ჟიურის შემადგენლობაში იყვნენ – დიანა ანფიმიადი (პოეტი), ბიძინა მაყაშვილი (პუბლიცისტი), ხათუნა ცხადაძე (მთარგმნელი), გიორგი მაისურაძე (მწერალი), რახელ მარია გრაცფელდი (მთარგმნელი).

„საბა -2022“-ის გამარჯვებულები არიან:

  • წლის საუკეთესო რომანი – არჩილ ქიქოძე, „ხვლიკი საფლავის ქვაზე“ (სულაკაურის გამომცემლობა) და ირმა ტაველიძე, „ბნელ წყლებში“ (დიოგენე);
  • წლის საუკეთესო პოეტური კრებული – ლელა სამნიაშვილი, „ავირეკლოთ“ (ინტელექტი);
  • წლის საუკეთესო პროზაული კრებული – რატი რატიანი, „მკვლელობა სადგურის უბანში“ (პალიტრა L);
  • წლის საუკეთესო პიესა – მანანა დოიაშვილი, „მეცამეტე თვე“ (ჟურნალი „პირველი სხივი“ #2);
  • წლის საუკეთესო ლიტერატურული კრიტიკა – ნუგეშა გაგნიძე, „ცხოვრება ორ სამყაროში – გრიგოლ რობაქიძე“ (არტანუჯი);
  • წლის საუკეთესო ლიტერატურული დებიუტი – თემო რეხვიაშვილი, „კურიერის ამბები“ (სულაკაურის გამომცემლობა);
  • წლის საუკეთესო ესეისტიკა და დოკუმენტური პროზა – ლანა ღოღობერიძე, „ვისთვის გალობს შაშვი“ (სულაკაურის გამომცემლობა);
  • წლის საუკეთესო ქართული თარგმანი – კატია ვოლტერსი, ოლგა ტოკარჩუკის „წიგნები იაკობისა ანუ დიდი მოგზაურობა“ (ინტელექტი);
  • საბჭოთა და პოსტსაბჭოთა ისტორიის რეფლექსია ქართულ ლიტერატურაში – დავით ჯიშკარიანი, „ბუცები და ტყავის ჩექმა“ (ზიარი) და რუსუდან გორგილაძე, „დიქტატურის გემო“ (სეზან ფაბლიშინგი);
  • პრემია ქართულ ლიტერატურაში შეტანილი განსაკუთრებული წვლილისთვის – საზოგადოებრივ-ლიტერატურული ჟურნალი „არილი“.

წყარო

ამავე თემაზე დაგაინტერესებთ

ლიტერატურული პრემია „საბას“ ფინალისტები ცნობილია