ევროკავშირის, შვედეთისა და ავსტრიის მხარდაჭერით, პროექტ GRETA-ს ფარგლებში შექმნილ „ქართული მთის ჩაის ასოციაციაში “ იმერეთის რეგიონიდან ჩაის 7 მწარმოებელი გაერთიანდა.

პროექტ GRETA-ს მხარდაჭერით იმერეთში რეაბილიტაცია ჩაუტარდა დაახლოებით 12 ჰექტარ ჩაის პლანტაციას, აშენდა მინი ფაბრიკა, რომელიც  აღიჭურვა სრულიად ახალი დანადგარებით. ამჟამად  ფაბრიკაში აწარმოებენ სამი სახეობის – შავი, მწვანე და თეთრ ჩაის, ასოციაციას მიღებული აქვს ბიო სერთიფიკატი. პლანტაციებში 60-მდე ოჯახია დასაქმებული.

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს.

პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.

პროექტი მოიცავს სამეგრელო-ზემო სვანეთის, რაჭა-ლეჩხუმისა და ქვემო სვანეთის და ზემო იმერეთის რეგიონებს და ჩართულები არიან მეწარმეები მესტიის, ლენტეხის, ცაგერის, ონის, ამბროლაურის, საჩხერის, ჭიათურისა და ტყიბულის მუნიციპალიტეტებიდან.

ფოტოზე: „ქართული მთის ჩაის ასოციაციაში “ გაერთიანებული იმერელი მეწარმეები