2022 წლის მასწავლებლის ეროვნული ჯილდოს ფინალისტები, უკრაინის გლობალური ჯილდოს 2017-2021 წლების გამარჯვებულმა მასწავლებლებმა დაასახელეს.

წლევანდელი კონკურსის ფინალისტები არიან:

  • როლანდ შავაძე – ხულოს მუნიციპალიტეტის სოფელ მეკვეიძეების სკოლის ინგლისურის მასწავლებელი,
  • ნანა მგალობლიშვილი – ჩოხატაურის ყოვლადწმინდა ღვთისმშობლის სახელობის სამრევლო სკოლის ქართული ენის მასწავლებელი,
  • მიხეილ ლაბარტყავა – დამოუკიდებელი საერო გიმნაზია „შავნაბადას“ ქიმიის მასწავლებელი,
  • სოფიო ძიგრაშვილი – ქუთაისის #33 სკოლის სპეცმასწავლებელი,
  • ირა ძირკვაძე – წალკის მუნიციპალიტეტის სოფელ გუმბათის სკოლის ქართული ენის მასწავლებელი.

მასწავლებლის ეროვნული ჯილდოს 2022 წლის გამარჯვებული ოქტომბერში გამოვლინდება.

მასწავლებლის ეროვნული ჯილდო კოალიციის „განათლება ყველასათვის – საქართველო“ და მასწავლებელთა პროფესიული განვითარების ეროვნული ცენტრის (TPDC) ინიციატივითა და ორგანიზებით, 2017 წელს დაარსდა. ეს კონკურსი მიზნად ისახავს წარმატებული მასწავლებლების გამოვლენას, საზოგადოებისთვის გაცნობას და ამ გზით მასწავლებლის პროფესიის პრესტიჟის ზრდას.

2018 წელს მასწავლებლის ეროვნული ჯილდოს ათეულში იყო ხარაგაულის სოფელ ბაზალეთის დაწყებითი კლასების მასწავლებელი ნინო გურეშიძე.