10 აგვისტოდან ხარაგაულის „სპორტისა და შიდა ტურიზმის ცენტრი“-ს ორგანიზებით ახალგაზრდული „კარვების ბანაკი“ სოფელ ლეღვანში, სკოლის ტერიტორიაზე მოეწყობა.

თითო ნაკადზე ბანაკში ყოფნა სამი დღით განისაზღვრა. ბანაკის მონაწილეები უზრუნველყოფილი იქნებიან სამჯერადი კვებით. იგეგმება სპორტული აქტივობებისა და ინტელექტუალურ-შემეცნებითი ღონისძიებების ჩატარება.

ლეღვნის ახალგაზრდული „კარვების ბანაკი“ 14-დან 18 წლამდე ახალგაზრდებს მიიღებს.

„სპორტისა და შიდა ტურიზმის ცენტრი“-ს დირექტორის, რევაზ შერგელაშვილის ინფორმაციით, ბანაკის ტერიტორიაზე დაცული იქნება უსაფრთხოება. ბანაკის მონაწილეებს, საჭიროების შემთხვევაში, მოემსახურება ექიმი.

„კარვების ბანაკში“ დასვენების მსურველებმა დარეკეთ ტელეფონით შემდეგ ნომრებზე:  592 11 82 99; 577 42 48 12.

ლეღვანში „კარვების ბანაკის“ მოსაწყობად „სპორტისა და შიდა ტურიზმის ცენტრს“ ხარაგაულის მუნიციპალიტეტის ადგილობრივი ბიუჯეტიდან დამატებით 12 ათასი ლარი გამოეყო.