ივლისში კორონავირუსით ინფიცირების ახალმა შემთხვევებმა, გასულ თვეებთან შედარებით, მოიმატა.

დაავადებათა კონტროლისა და საზოგადოებრივი ჯანდაცვის ეროვნული ცენტრის იმერეთის სამმართველოს უფროსი გოჩა გიორგიძე ამბობს, რომ იმერეთში ყოველდღიურად ასიდან ორასის ფარგლებშია კორონავირუსით ინფიცირების ახალი შემთხვევები.

მოსახლეობის მიმართ ცალსახა მოწოდებაა:

  • პირბადის გამოყენება დახურულ სივრცეში;
  • კოვიდის საწინააღმდეგო ვაქცინაცია.

სპეციალისტები დამატებითი – ბუსტერ დოზების გაკეთებისკენ მოუწოდებენ 50 წელს გადაცილებულ და ქრონიკულად მოავადე პირებს.

„იმის მიუხედავად, რომ პანდემიის ამ ტალღაზე კორონავირუსი შედარებით უფრო მსუბუქად მიმდინარეობს, მაინც არის გართულებები ქრონიკულად მოავადე პაციენტებში, – ამბობს გოჩა გიორგიძე, – ამიტომ მათი აცრით დაცვა ძალიან მნიშვნელოვანია“.

ხარაგაულის მუნიციპალიტეტში 2022 წლის ივლისში კორონავირუსით ინფიცირების 70 ახალი შემთხვევა დადასტურდა.