ხარაგაულის მუნიციპალიტეტში მოქმედ სკოლებს შორის „მხიარული სტარტები“ ტარდება.

კიცხის ზონის სოფლების სკოლებიდან ამ შეჯიბრებაში კიცხის, ბორისა და ვარძიის სკოლები ჩაერთვნენ, ძირულას ხეობის სოფლების სკოლებიდან – ხევის, ნადაბურის, ვერტყვიჭალისა და ბორითის სკოლები. ჩხერიმელას ხეობის სოფლების სკოლებიდან – ლეღვანის, მოლითის, ზვარეს, მარელისისა და ვახანის სკოლები.

ზონალურად ჩატარებულ შეჯიბრებებში ბორის, ხევისა და ზვარეს სკოლების გუნდებმა გაიმარჯვეს. ხარაგაულის #2, #3 სკოლებისა და სასულიერო გიმნაზიის გუნდები ერთმანეთს ხარაგაულის სპორტულ დარბაზში ხვალ, 25 მაისს, შეხვდებიან.

„მხიარული სტარტების“ ორგანიზატორია ხარაგაულის მერიის განათლების, კულტურის, სპორტისა და ახალგაზრდულ  საქმეთა სამსახური.