ხუნევის საჯარო სკოლაში რამდენიმე მასწავლებელს კორონავირუსი დაუდასტურდა.

ამის გამო ამ სკოლაში – როგორც ხუნევის, ასევე გედსამანიის კორპუსებში, – სწავლა, კვირის ბოლომდე, დისტანციურად გაგრძელდება.

ხარაგაულის საგანმანათლებლო რესურსცენტრის უფროსის, მარინე ვეფხვაძის ინფორმაციით, ხუნევსა და გედსამანიაში სწავლა საკლასო ოთახებში 21 თებერვალს გაგრძელდება.

ხარაგაულის მუნიციპალიტეტში ამჟამად დისტანციურ სწავლებაზე ხუთი სკოლა იმყოფება და სამ საბავშვო ბაღში აღსაზრდელთა მიღება, ეპიდვითარების გათვალისწინებით, შეჩერებულია.

15 თებერვლის მონაცემებით, ბოლო 24 საათში, ხარაგაულის მუნიციპალიტეტში კორონავირუსის 84 ახალი შემთხვევა გამოვლინდა.

გეგმიური PSR ტესტირების შედეგად, ხარაგაულისა და ბორითის კოვოდკლინიკების ოთხ თანამშრომელს კორონავირუსი დაუდასტურდა.