85 წლის ასაკში გარდაიცვალა პოეტი და ფილოლოგი, ხარაგაულის საპატიო მოქალაქე რეზო ამაშუკელი.

სხვადასხვა წლებში რეზო ამაშუკელი იყო მწერალთა კავშირის მდივანი და კულტურის მინისტრის მოადგილე, შოთა რუსთაველის საზოგადოების თავმჯდომარის პირველი მოადგილე.

მისი ლექსები და პოემები 1957 წლიდან იბეჭდება.

რეზო ამაშუკელი დაჯილდოებულია ღირსების ორდენით, გალაკტიონ ტაბიძის სახელობისა და საქართველოს კომკავშირის პრემიებით.

რეზო ამაშუკელს ხარაგაულის საპატიო მოქალაქის წოდება 2015 წელს მიენიჭა.