ხარაგაულის საგანმანათლებლო რესურსცენტრის უფროსის, მარინე ვეფხვაძესგან მოპოვებული ინფორმაციით, დღეიდან, 7 დეკემბრიდან, დისტანციურ სწავლებაზე წიფის სკოლა გადავიდა.

ამ სკოლაში კორონავირუსი გუშინ, 6 დეკემბერს, ხუთ მოსწავლეს დაუდასტურდა.

„წიფის სკოლაში დისტანციური სწავლა 13 დეკემბრამდე გაგრძელდება, – ამბობს მარინე ვეფხვაძე, – ამ დღეს, სწავლის დაწყებამდე, სკოლის ყველა მოსწავლესა და თანამშრომელს კორონავირუსზე ტესტი ჩაუტარდება.

თუ ტესტირების შემდეგ ინფიცირების ახალი შემთხვევა არ დაფიქსირდა, სწავლა საკლასო ოთახებში დაიწყება“.

ხარაგაულის მუნიციპალიტეტში მოქმედი 26 სკოლიდან დისტანციურ სწავლებაზე, 7 დეკემბრის მონაცემებით, მხოლოდ ერთი, წიფის სკოლაა.