ხარაგაულის სკოლამდელ დაწესებულებათა გაერთიანების დირექტორის, მამუკა ჭიპაშვილისგან მოპოვებული ინფორმაციით, ხარაგაულის #1 საბავშვო ბაღში კორონავირუსი რამდენიმე აღსაზრდელსა და ერთ აღმზრდელს დაუდასტურდა.

კიცხის საბავშვო ბაღში კოვიდით ინფიცირებულია ერთი აღმზრდელი.

„ხარაგაულის #1 საბავშვო ბაღში სასწავლო-სააღმზრდელო პროცესი ერთი კვირით შეწყდება, – ამბობს მამუკა ჭიპაშვილი, ხოლო კიცხში – ორი კვირით“.

ბოლო დღებია, ხარაგაულში ეპიდემიოლოგიური ვითარება მძიმდება. ექიმები ახალი შემთხვევების ზრდას პროგნოზირებენ.