2 ოქტომბრის ადგილობრივი თვითმმართველობის არჩევნებზე ხარაგაულის მერის თანამდებობაზე კენჭს ხუთი კანდიდატი იყრიდა.

წინასწარი მონაცემებით, საარჩევნო ხმები მათ შორის ასე განაწილდა:

#5 დავით მაღლაფერიძე – „ერთიანი ნაციონალური მოძრაობა“ – 3 159 ხმა (26,91%);

#8 ლია ფცქიალაძე – „დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 249 ხმა (2,12%);

#9 მიხეილ ჭიპაშვილი – „ლელო“ – 827 ხმა (7,05%);

#25 ვარლამ თავზარაშვილი – „გახარია – საქართველოსთვის“ – 731 ხმა (6,23%);

#41 კობა ლურსმანაშვილი – „ქართული ოცნება – დემოკრატიული საქართველო“ – 6 772 ხმა (57,69%).

#48 ხარაგაულის საოლქო საარჩევნო კომისიის მდივნის, არჩილ ბლიაძისგან მოპოვებული ინფორმაციით, მერობის კანდიდატების საარჩევნო ბიულეტენებიდან, 38-ვე საარჩევნო უბნის შედეგებით, 478 ბიულეტენი ბათილი აღმოჩნდა. პროპორციული ბიულეტენებიდან ბათილია 402 ბიულეტენი, ხოლო მაჟორიტარული ბიულეტენებიდან – ბათილია 389.

2021 წლის 2 ოქტომბრის არჩევნებისთვის ხარაგაულის საარჩევნო ოლქში სულ 19 315 ამომრჩეველია რეგისტრირებული. მათგან არჩევნებში მონაწილეობა 12 654-მა (65,51%) ამომრჩეველმა მიიღო.

 

კობა ლურსმანაშვილი და მიხეილ ჭიპაშვილი გასულ წელს, 2020 წლის ხარაგაულის მერის რიგგარეშე არჩევნებშიც მონაწილეობდნენ.

შარშან კობა ლურსმანაშვილმა 7 220 ხმა (53,50%) მიიღო, მიხეილ ჭიპაშვილმა –  791 ხმა (5,86%).

2020 წლის 31 ოქტომბრის არჩევნებისთვის ხარაგაულის საარჩევნო ოლქში 19 492 ამომრჩეველი იყო რეგისტრირებული. მათგან არჩევნებში მონაწილეობა 13 495-მა ამომრჩეველმა მიიღო, რაც მათი საერთო რაოდენობის 69.23%-ია.

თქვენ ასევე დაგაინტერესებთ:

ხარაგაულის საკრებულოს თერთმეტივე მაჟორიტარი დეპუტატი „ქართული ოცნების“ წევრია

როგორ დაკომპლექტდება ხარაგაულის მუნიციპალიტეტის საკრებულო