ორშაბათს, 23 თებერვალს, დაგეგმილ რიგგარეშე სხდომაზე ხარაგაულის მუნიციპალიტეტის საკრებულოს ბიუროს წევრები საბიუჯეტო ცვლილებების განხილვას აპირებენ.

კერძოდ, როგორც გამგეობის საფინანსო სამსახურისგან საკრებულოსთვის წარდგენილი მოხსენებითი ბარათიდან ირკვევა, სოფელ ვახანის, ლეღვნის, კიცხისა და ვარძიის საბავშვო ბაღებში გათბობის სისტემების მოწყობის სამუშაოების ასანაზღაურებლად საჭიროა ბიუჯეტიდან 66,4 ათასი ლარის გამოყოფა;

ადმინისტრაციული შენობის მესამე სართულის (საკრებულო) ელექტრონულ ქსელზე დასაერთებლად – 7,5 ათასი ლარი;

საკრებულოს ოთახების რემონტისთვის – 9,8 ათასი ლარი;

ყოფილი პოლიციის შენობის პირველი სართულის ოთახების რემონტისთვის – 16,5 ათ. ლარი;

ხევის საზოგადოებრივი სახლის გენერატორის შესაკეთებლად 2,0 ათასი ლარი.

სულ ზემოთ ჩამოთვლილის დასაფინანსებლად საჭიროა 102,2 ათასი ლარი.

როგორც საფინანსო სამსახურის მოხსენებით ბარათშია აღნიშნული, ზემოთ აღნიშნული დასაფინანსდება 2015 წლის პირველი იანვრისათვის არსებული საკუთარი სახსრების ნაშთიდან.