პარლამენტმა საარჩევნო კოდექსში შესატან ცვლილებებს მესამე, საბოლოო მოსმენით, 86 ხმით სამის წინააღმდეგ, მხარი დაუჭირა.

საარჩევნო რეფორმის შედეგად, იზრდება პროპორციული წილი ადგილობრივი თვითმმართველობის არჩევნებზე, მაჟორიტარული არჩევნებისთვის კი 40%-იანი ბარიერი წესდება.

საჩხერე-ჭიათურა-ხარაგაულის მაჟორიტარი დეპუტატის, პაატა კვიჟინაძის ინფორმაციით, პარლამენტმა თვითმმართველ თემებში ადგილობრივი მაჟორიტარული საარჩევნო ოლქების სახელწოდებები და საზღვრები დაადგინა.

ამ ცვლილების მიხედვით, ხარაგაულში 20-ის ნაცვლად 11 მაჟორიტარული ოლქი შეიქმნება.

ცალკე მაჟორიტარულ ოლქებად რჩება დაბა ხარაგაული, ბორითი, ხუნევი, მოლითი და საღანძილე.

მომავალი თვითმმართველობის არჩევნებისთვის გაერთიანდა და ერთ მაჟორიტარულ ოლქად ჩამოყალიბდა:

  • კიცხი და ფარცხნალი;
  • ვარძია, წყალაფორთი, ხიდარი;
  • ლაშე, სარგვეში, ღორეშა, ბაზალეთი;
  • ნადაბური, ხევი;
  • ზვარე, წიფა,
  • ვახანი, ლეღვანი.

11-11 მაჟორიტარული ოლქი რჩება საჩხერეში, ჭიათურასა და ზესტაფონში.

საჩხერის მაჟორიტარული ოლქები შემდეგნაირად განისაზღვრა:

  • ქალაქი საჩხერე;
  • სარეკი, ცხომარეთი;
  • ქორეთი;
  • საირხე;
  • ჯალაურთა;
  • მერჯევი;
  • ჩიხა;
  • არგვეთი,
  • კორბოული, ჭალოვანი;
  • ჭალა;
  • გორისა.

ჭიათურის მაჟორიტარული ოლქებია:

ქალაქი ჭიათურა;

  • კაცხი;
  • ვაჭევი, ქვაციხე;
  • რგანი, ხრეითი;
  • სარქველეთუბანი, წირქვალი;
  • ზოდი, ხვაშითი;
  • ითხვისი
  • პერევისა;
  • ნიგოზეთი;
  • მანდაეთი;
  • გეზრული, სვერი.

ზესტაფონის მაჟორიტარული ოლქებია:

  • ქალაქი ზესტაფონი;
  • პირველი სვირი;
  • მეორე სვირი;
  • როდინაული;
  • კვალითი, ცხრაწყარო;
  • კლდეეთი, ფუთი;
  • სანახშირე, შორაპანი;
  • ქვედა საქარა;
  • ზოვრეთი, ქვედა საზანო;
  • ილემი, შროშა, ძირულა;
  • ბოსლევი, დილიკაური, ზედა საქარა.

ამავე თემაზე

საკრებულოს არჩევის წესი და დეპუტატთა რაოდენობა იცვლება