„საქართველოს რკინიგზაში“ 13 000 დასაქმებულისთვის ხელფასების მატების მოთხოვნის საკითხს განიხილავენ.

ამის შესახებ ინფორმაცია რკინიგზელთა ახალი პროფკავშირების თავმჯდომარის, ვიტალი გიორგაძესგან მოვიპოვეთ.

პროფკავშირებმა „საქართველოს რკინიგზას“ წერილობითი მოთხოვნა 4 ივნისს გაუგზავნა.

„წერილობით მოთხოვნაზე გვიპასუხეს, რომ ადმინისტრაციამ დასაქმებულთა ხელფასების მატების საკითხის განხილვა უკვე დაიწყო, – ამბობს ვიტალი გიორგაძე, – ამ ეტაპზე ფინანსური რესურსების მოძიებაზე მუშაობენ. რეკომენდაცია ჩვენც მივაწოდეთ.

საქართველოს რკინიგზასთან მოლაპარაკებებს, სავარაუდოდ, 6 ივლისის კვირაში დავიწყებთ“.

ნინო კაპანაძე