რკინიგზაში დასაქმებული 13 000 ადამიანის ეკონომიკურ-სოციალური მდგომარეობა,  საყოფაცხოვრებო და სამომხმარებლო პროდუქტებზე ფასების ზრდამ, გაუსაძლისი გახადა.

ამის გამო რკინიგზელთა ახალი პროფკავშირი „საქართველოს რკინიგზასთან“ რკინიგზელებისთვის ხელფასების გაზრდის მოთხოვნით მოლაპარაკებების დაუყოვნებლივ დაწყებას მოითხოვს.

რკინიგზელთა ახალი პროფკავშირების თავმჯდომარე ვიტალი გიორგაძე ამბობს, რომ რკინიგზელთა ხელფასი მათ მიერ გაწეულ მძიმე შრომასთან შედარებით უკიდურესად დაბალია.

ხელფასები უნდა გაეზარდოს:

  • ლიანდაგისა და ელექტრო მონტიორს,
  • ზეინკალს,
  • სადგურის მორიგეს,
  • გამსინჯველს,
  • სავაგონო მეურნეობის, სახალხო და სატვირთო გადაზიდვების რიგით თანამშრომლებს,
  • ელმავლისა და თბომავლის მემანქანე-თანაშემწეს.

რკინიგზელთა ახალი პროფკავშირი „საქართველოს რკინიგზის“ ადმინისტრაციისგან გონივრულ ვადებში ორმხრივი მოლაპარაკებების პროცესის დაჩქარებული წესით გამართვას მოითხოვს. ამის შესახებ პროფკავშირი „საქართველოს რკინიგზის“ ადმინისტრაციაში წერილობით მოთხოვნას ორშაბათს, 7 ივნისს, გადააგზავნის.

ნინო კაპანაძე