გარემოს დაცვის მსოფლიო დღესთან დაკავშირებით დღეს, 14:00 საათზე „საქართველოს მწვანეთა მოძრაობა – დედამიწის მეგობრები“ გამოაცხადებს კონკურსს „სუფთა რეგიონი 2021“.

კონკურსის მხარდამჭერია სოფლის მეურნეობისა და გარემოს დაცვის სამინისტრო.

„კონკურსი წელს მეექვსედ ცხადდება, – ამბობს „საქართველოს მწვანეთა მოძრაობა – დედამიწის მეგობრების“ თანათავმჯდომარე ნინო ჩხობაძე „ჩემი ხარაგაულის“ რედაქციასთან საუბარში, – წელს სიახლე ის, რომ ერთი ნომინაცია – „სუფთა ნაკადული“ დაემატება“.

კონკურსი „სუფთა რეგიონი“ შემდეგ ნომინაციებში ტარდება:

  •  „სუფთა რეგიონი“;
  • „სუფთა მუნიციპალიტეტი“;
  • „სუფთა ქალაქი“;
  • „სუფთა სოფელი“
  • „ლამაზი ეზო“;
  •  „ლამაზი აივანი“;
  • „საწარმოს ლამაზი ეზო“;
  • „სუფთა/ლამაზი ქუჩა“.
კონკურსში მონაწილეობის მსურველებმა, ჩამოთვლილი ნომინაციების შესაბამისი ფოტო/ვიდეო მასალა უნდა გაუგზავნონ კონკურსის ორგანიზატორს „საქართველოს მწვანეთა მოძრაობა-დედამიწის მეგობრებს“.
კონკურსი ტარდება პროექტის „დავიცვათ საქართველოს სისუფთავე“ ფარგლებში.

2015 წელს ამ კონკურსში ხარაგაულის მუნიციპალიტეტი ყველაზე სუფთა მუნიციპალიტეტად დასახელდა, ხოლო 2018 წელს წამახალისებელი სიგელით დაჯილდოვდა.