წიფის საბავშვო ბაღის აღმზრდელს გუშინ, ტესტირების შედეგად, კორონავირუსი დაუდასტურდა.

ამის გამო საბავშვო ბაღში სასწავლო-სააღმზრდელო პროცესი ორი კვირით შეწყდა.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ინფიცირებულს კორონავირუსი სწრაფი ტესტით დაუდგინდა. ის თავს კარგად გრძნობს და კორონავირუსისთვის დამახასიათებელი სიმპტომები არ აღენიშნება.

ხარაგაულის მუნიციპალიტეტში მოქმედი საბავშვო ბაღების თანამშრომელთა კორონავირუსზე ტესტირება საზოგადოებრივი ჯანდაცვის ცენტრმა გუშინ, 18 მაისს, განაახლა.