ხარაგაულის საზოგადოებრივი ჯანდაცვის ცენტრის ექიმებმა ხარაგაულის მუნიციპალიტეტში მოქმედი საბავშვო ბაღების თანამშრომელთა კორონავირუსზე ტესტირება განაახლეს.

დღეს ტესტირება ხარაგაულის #1, #2, ლეღვანის, წიფის, საღანძილისა და ზვარეს საბავშვო ბაღების თანამშრომლებს ჩაუტარდათ.

ამ დრომდე ჩატარებული ყველა სწრაფი ტესტის პასუხი უარყოფითია, ხოლო PCR ტესტების პასუხები ხუთშაბათს, 20 მაისს, გახდება ცნობილი.

შეგახსენებთ, რომ ხარაგაულში მუნიციპალიტეტში მოქმედი 26-ვე სკოლის თანამშრომელთა კორონავირუსზე ტესტირება გასულ შაბათ-კვირას ჩატარდა.