ხარაგაულის მშენებარე ტაძრის მეორე სართულზე უახლოეს დღეებში კანკელი მოეწყობა.

კანკელი მართლმადიდებლურ ეკლესიაში ეწოდება ტიხარს, ზღუდეს, რომელიც საკურთხეველს ეკლესიის ძირითადი ნაწილისგან გამოჰყოფს.

ხარაგაულის მშენებარე ტაძრის მეორე სართულის გახსნა საშობაოდ იგეგმება, – ამის შესახებ მარგვეთისა და უბისის ეპისკოპოსმა მეუფე მელქისედეკმა (ხაჩიძე) ხარაგაულის თორმეტი მოციქულის სახელობის ტაძრის კურთხევისას ისაუბრა.

ხარაგაულის მშენებარე ტაძარი ორი სართულისგან შედგება, პირველი სართული თორმეტი მოციქულის სახელობისაა და მოქმედია, ხოლო მეორე სართული მაცხოვრის შობის სახელზე იკურთხება.