ხარაგაულის მუნიციპალიტეტის საკრებულომ 19 ნოემბრის რიგგარეშე სხდომაზე მუნიციპალიტეტის თვითმმართველი ერთეულის 2015 წლის ბიუჯეტის ადმინისტრაციული წარმოების დაწყების შესახებ პროექტი დაამტკიცა. კომისიებისა და ფრაქციების თავმჯდომარეებმა 2015 ბიუჯეტის პროექტის შესახებ წინადადებები და შენიშვნები 24 ნოემბრამდე უნდა წარადგინონ.

21 ნოემბერს, 10 საათზე, ბიუჯეტის პროექტს საკრებულოს საფინანსო-საბიუჯეტო კომისიის წევრები სხდომაზე ა(ა)იპ-ების წარმომადგენლებთან ერთად განიხილავენ, 12 საათზე კი მოეწყობა ბიუჯეტის პროექტის საჯარო განხილვა ადმინისტრაციული შენობის მე-3 სართულზე.