ხარაგაულის მუნიციპალიტეტის გამგეობიდან მოპოვებული ინფორმაციით, ადგილობრივი ბიუჯეტიდან აპრილში სასაუბრო ბარათებისთვის გაცემულია  1 130 ლარი, მაისსა და ივნისში – 1 170-1 170 ლარი, ივლისსა და აგვისტოში – 1 140- 1 140 ლარი, ხოლო სექტემბერსა და ოქტომბერში 1 210-1 210 ლარი.

ივლისში, აგვისტოში, სექტემბერსა და ოქტობერში გამგებელმა კობა ლურსმანაშვილმა 150-150 ლარის სასაუბრო მიიღო. მისმა მოადგილეებმა პაატა გოგოლაძემ და თემურ ჩხეიძემ – 60-60 ლარის, საკრებულოს თავმჯდომარე ინგა მაღრაძემ ივლისში მიიღო 75 ლარის სასაუბრო, აგვისტოში – 150 ლარის, სექტემბერსა და ოქტომბერში 100-100 ლარის. მისმა მოადგილე მანანა ბარბაქაძემ ივლისში 15 ლარის, აგვისტოში 30 ლარის, სექტემბერსა და ოქტომბერში 30-30 ლარის სასაუბრო. გამგეობიდან მიღებულ ინფორმაციაში აღნიშნულია, რომ 10-10 ლარის სასაუბროს იღებენ ყოველთვიურად ადმინისტრაციულ ერთეულებში გამგებლის წარმომადგენლები და განყოფილების გამგეები, 20-20 ლარის სასაუბროს – სამსახურების უფროსები, 15-15 ლარის სასაუბროს – გამგებლის პირადი მდივანი და მძღოლი, 40-40 ლარის სასაუბროს – გამგებლის თანაშემწე, 30-30 ლარის სასაუბროს სახანძრო-სამაშველო სამსახურის უფროსი.