ხარაგაულის ოთარ აბაშიძის სახელობის სახალხო თეატრი 8 ოქტომბერს ხარაგაულის ისტორიული მუზეუმის ეზოში სპექტაკლს ,,დარისპანის გასაჭირი“ (რეჟისორი ირინე ჩხეიძე) გამართავს.

სპექტაკლი 18:00 საათზე გაიმართება. დასწრება თავისუფალია, ადგილები – შეზღუდული. სპექტაკლის დროს აუცილებელია დავიცვათ დისტანცია!

„ჩვენ ვიწყებთ. ვიწყებთ ისე, როგორც ეს იწყებოდა გასული საუკუნის გარიჟრაჟზე ხარაგაულში. პირველი სცენისმოყვარეთა წარმოდგენები მაშინაც ეზოებში იმართებოდა.

საოცარია, რომ 120 წლის შემდეგ ჩვენც ასე მოგვიწევს მონატრებულ მაყურებელთან შეხვედრა ღია სივრცეში – ჯერ ხარაგაულში – შემდეგ ქუთაისში მესხიშვილის თეატრის ეზოში. ხარაგაულის თეატრი ხომ 120 წლისაა“, – წერს თეატრის რეჟისორი ირინე ჩხეიძე სოციალურ ქსელში.