დღეს, 30 ივლისს, ხარაგაულის მუნიციპალიტეტის მერის მოვალეობის შემსრულებელმა თემურ ჩხეიძემ „ხარაგაულდასუფთავებისა და კეთილმოწყობის გაერთიანების“ უფროსად ბესო კვირიკაშვილი დანიშნა.

ბესო კვირიკაშვილმა სოხუმის სუბტროპიკული მეურნეობის ინსტიტუტი დაამთავრა.

1997-2004 წლებში ბესო კვირიკაშვილი მუშაობდა ხარაგაულის მიწის მართვის სამმართველოს უფროსის მოადგილედ, 2004 წლიდან დღემდე – საჯარო რეესტრის ეროვნული სააგენტოს ხარაგაულის სამსახურის უფროსად.

ხარაგაულდასუფთავებისა და კეთილმოწყობის გაერთიანების უფროსის პოსტი ვაკანტური მას შემდეგ გახდა, რაც ხარაგაულის მერმა ამ სამსახურის უფროსი თემურ ფურცელაძე ერთი თვის წინ თანამდებობიდან გაათავისუფლა.