ხარაგაულის მუნიციპალიტეტის გამგეობის ადმინისტრაციული სამსახურის უფროსის კახა გოლუბიანის ინფორმაციით რეორგანიზაციის პროცესში გამგეობაში მოქმედი რამდენიმე განყოფილება გაუქმდება.

განყოფილებები უქმდება ადმინისტრაციულ, სამხედრო აღრიცხვისა და გაწვევის, ინფრასტრუქტურისა და კეთილმოწყობის, ჯანდაცვისა და სოციალური დაცვის სამსახურებში.

კახა გოლუბიანის თქმით, გაუქმებული განყოფილების უფროსები თავიანთ საქმიანობას მთავარი სპეციალისტების სტატუსით გააგრძელებენ.

გამგეობის ადმინისტრაციული სამსახურის აუდიტის განყოფილება გადაკეთდა სამსახურად.

გამგეობის სამსახურების დებულებებში ცვლილებების პროექტები დეპუტატებმა 2 სექტემბერს გამართულ საკრებულოს სხდომაზე დაამტკიცეს.

თამთა გოგოლაძე