ავტომობილით მხოლოდ სამი ადამიანის ტრანსპორტირებაზე დაწესებული მოთხოვნა ხვალიდან, 23 მაისიდან, გაუქმდება, – ამის შესახებ, დღეს, საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.

აღსანიშნავია, რომ შეზღუდვის მოხსნა ტაქსებს არ ეხებათ. ტაქსით, მძღოლის ჩათვლით, მხოლოდ 3 პირი უნდა მგზავრობდეს. ასევე ძალაში რჩება მოთხოვნა, რომ ტაქსით მოსარგებლე ორი მგზავრი უკანა სავარძლებზე უნდა ისხდნენ.

მიუხედავად ამ შეზღუდვის გაუქმებისა, პრემიერ-მინისტრის  თქმით, მუნიციპალური ტრანსპორტი ჯერ ვერ ამუშავდება, რადგან ეს ჩვენს პირობებში ვირუსის გავრცელების ერთ-ერთი ყველაზე დიდი რისკის შემცველი იქნება. 

შეგახსენებთ, რომ ხვალიდან, 23 მაისიდან, საქართველოში საგანგებო მდგომარეობა და კომენდანტის საათი უქმდება.