ეს ინფორმაცია ჭიათურის საზოგადოებრივი ჯანდაცვის ცენტრის დირექტორის, ხათუნა კუპატაძისგან მოვიპოვეთ.

მისი ინფორმაციით, ახალი კორონავირუსით ინფიცირებული ჭიათურელი ახალგაზრდა მამაკაცის დედა მაღალი ტემპერატურით საჩხერის საავადმყოფოში გუშინ გადაიყვანეს. ამჟამად ჭიათურაში, ინფიცირებულთან კონტაქტში მყოფი 14 პირი თვითიზოლაციაში იმყოფება.

ხათუნა კუპატაძე მოსახლეობას მოუწოდებს, რომ მასობრივ თავშეყრას მოერიდონ, სოციალური დისტანცია დაიცვან და სახლში დარჩნენ.

გუშინ ჭიათურაში კორონავირუსით ინფიცირების პირველი შემთხვევა დადასტურდა. ახალგაზრდა მამაკაცი სოფელ ითხვისში მეზობლის დაკრძალვაზე იმყოფებოდა.