
კორონავირუსის პანდემიის გამო ხარაგაულის სკოლამდელ დაწესებულებათა გაერთიანება აპრილის ბოლოსთვის აღსაზრდელებისთვის პროდუქტების დარიგებას ისევ გეგმავს.
ამ თვის დასაწყისში ხარაგაულის მუნიციპალიტეტში მოქმედი 19 საბავშვო ბაღისა და ორი სასკოლო მზაობის ჯგუფის 600 აღსაზრდელზე 9 დასახელების პროდუქტი გაიცა. სკოლამდელ დაწესებულებათა გაერთიანების დირექტორის, მამუკა ჭიპაშვილის ინფორმაციით, მოლაპარაკებებს პროდუქტების მომწოდებლებთან აწარმოებს.
ამჯერად თითოეული აღსაზრდელისთვის იგეგმება თითო-თითო კილოგრამი ქათმის ფილესა და ლობიოს, 5 კგ. კარტოფილის, 2 კგ. ვაშლის, 200 გრ. კარაქისა და 10 ცალი კვერცხის მიწოდება.
ამ პროდუქტების შეძენას დაახლოებით 20 ათას ლარამდე თანხა დასჭირდება.
მამუკა ჭიპაშვილი ვარაუდობს, რომ ამ პროდუქტებს თითოეულ საბავშვო ბაღში 25 აპრილამდე თავად მომწოდებლები შეიტანენ. საბავშვო ბაღების გამგეები მშობლებს ინფორმაციას მიაწვდიან. კვების პროდუქტები მშობლებმა საბავშვო ბაღებიდან თავად უნდა წაიღონ.
ფოტოზე: ხარაგაულის #1 საბავშვო ბაღი
ხარაგაულის მუნიციპალიტეტის დამეწყრილ სოფლებში
გასულ კვირას აშშ-ის ელჩის მოვალეობის შემსრულებელი ალან პერსელი
შეფასებისა და გამოცდების ეროვნულმა ცენტრმა 2025 წლის ერთიანი ეროვნული
2025 წლის 23 აგვისტოს გადამფრენ ფრინველებზე
საქართველოს ჟურნალისტური ეთიკის ქარტია განცხადებას აქვეყნებს,