კორონავირუსის გამო შექმნილი ვითარებიდან გამომდინარე, საქართველოს მეორე არხზე განათლების სამინისტროსთან თანამშრომლობით, ახალი ტელეპროექტი „ტელესკოლა“ იგეგმება.

მეორე არხის ეთერით ტელეგაკვეთილები გადაიცემა. ყველა მოსწავლე, იმის მიუხედავად, აქვს თუ არა ინტერნეტთან წვდომა, გაკვეთილების მოსმენას ყველა საგანში შეძლებს. საქართველოს პირველი არხის სატელევიზიო არხების ხელმძღვანელის, რუსუდან მანჯგალაძესგან მოპოვებული ინფორმაციით, დეტალურ ინფორმაციას პროექტის შესახებ საზოგადოებას მომავალ კვირაში მიაწოდებენ.

განათლების სამინისტრომ სკოლებს ონლაინ სწავლებასთან დაკავშირებით რეკომენდაციები გუშინ მიაწოდა.

ფოტოზე: ხუნევის საჯარო სკოლა ხარაგაულის მუნიციპალიტეტში