
ხარაგაულელი ლაშა გელაშვილი ჩინეთიდან დაბრუნდა.
მასთან ერთად სპეციალური ავიარეისით საქართველოს 34 მოქალაქე ჩამოვიდა. ისინი ამჟამად საჩხერის სამედიცინო ცენტრის სასტუმროში იმყოფებიან.
ლაშა გელაშვილი ჩინეთის დედაქალაქ პეკინში ერთწლიანი სამუშაო ვიზით იმყოფებოდა. ის ერთ-ერთ კომპანიაში საზღვარგარეთის ოპერაციების მენეჯერად მუშაობს.
მას შემდეგ, რაც ჩინეთში კორონავირუსის გამო კარანტინი გამოცხადდა, ლაშა გელაშვილის სამსახური, მარტის ბოლომდე, მუშაობის ონლაინ რეჟიმზე გადავიდა.
-რა მნიშვნელობა აქვს, ონლაინ ჩინეთიდან ვიმუშავებ, თუ საქართველოდან. ამიტომ როცა საქართველოს საელჩოდან დამიკავშირდნენ, წამოსვლაზე დავთანხმდი, – ამბობს ლაშა გელაშვილი, – ჩინეთიდან გამომგზავრებისას ორ აეროპორტში გავიარეთ კონტროლი. თითქმის ყველა ნაბიჯზე გვამოწმებდნენ. ჩინეთში თითოეული ადამიანის გადაადგილება აღრიცხულია და რისკები დგინდება.
პეკინიდან გამოფრენინას საქართველოს მოქალაქეები ინფორმირებულები ვიყავით, რომ თბილისში სტანდარტულ პროცედურებს გავივლიდით. თუმცა დამატებითი უსაფრთხოების გამო გადაწყდა, რომ კარანტინი უნდა გაგვევლო.
ახლა საჩხერის სამედიცინო ცენტრის სასტუმროში ვართ – ყველა იზოლირებულად ცალ-ცალკე ოთახებში. კარანტინს ჩინეთში ისედაც მიჩვეულები ვიყავით. გვაკვირდებიან და ტემპერატურას გვიზომავენ. ყველა ჯანმრთელად ვართ. უზრუნველყოფილი ვარ ინტერნეტით და ონლაინ კონფერენციებს აქედან ვმართავ.
ჩინეთში მდგომარეობა ყოველდღიურად იცვლება. ჩემი სამსახური მარტის ბოლოს აპირებს მუშაობის განახლებას, ზოგი – აპრილის ბოლოს. ჩინეთში შეუფერხებლად მუშაობენ აფთიაქები, მაღაზიები, პოლიცია და სხვა სახელმწიფო უწყებები. კორონავირუსისგან თავის ასაცილებლად მთავარია წესების დაცვა.
ათ დღეში საკარანტინო პერიოდი დამთავრდება. მოგვიანებით გადავწყვეტ, ჩინეთში რა დროს დავბრუნდები.
კამპანია „სინათლე არ უნდა ჩაქრეს“ ფარგლებში მხარდამჭერების მხრიდან
ხარაგაულის მუნიციპალიტეტის დამეწყრილ სოფლებში
გასულ კვირას აშშ-ის ელჩის მოვალეობის შემსრულებელი ალან პერსელი
შეფასებისა და გამოცდების ეროვნულმა ცენტრმა 2025 წლის ერთიანი ეროვნული
2025 წლის 23 აგვისტოს გადამფრენ ფრინველებზე