ხარაგაულის თორმეტი მოციქულის სახელობის ტაძარში საშობაოდ სამეუფეო წირვა ჩატარდება.  ხარაგაულის ტაძრის წინამძღვარმა მამა თომამ (ლაცაბიძე) ამის შესახებ 5 იანვარს საკვირაო ქადაგებაზე ისაუბრა.

„ხარაგაულის ტაძარში მწუხრისა და ცისკრის ლოცვები 6 იანვარს, 21 საათზე  დაიწყება, შემდეგ მობრძანდება მარგვეთისა და უბისის ეპისკოპოსი მელქისედეკი (ხაჩიძე) და საზეიმო მსახურება აღევლინება“, – მრევლს ამცნო მამა თომამ.

7 იანვარს, ტრადიციული ალილოს მსვლელობა ხარაგაულის ტაძრიდან 12 საათზე დაიწყება.