12 დეკემბერს, 3 საათზე, ხარაგაულის კინოთეატრში გაიმართება ჩვენება ფილმისა „ფარცხნალი-კორიფეთა სამკვიდრო“…

ფილმი სტუდია „პიონერფილმის“ და ხარაგაულის რეზო თაბუკაშვილის სახელობის სახალხო ლიტერატურული თეატრის ერთობლივი ნამუშევარია. ფილმის პროდიუსერები არიან იზა ვეფხვაძე და გრიგოლ ჩიგოგიძე, რეჟისორი მაშო გიგილაშვილი, ფილმის მთავარი გმირები ებრაელი ლეონ შავიტი და გერმანელი ნინა ზიგერი. ასევე მონაწილეობენ ხარაგაულელი ახალგაზრდები, რომლებიც ასრულებენ იმერულ სიმღერებს. ხარაგაულს საპრემიერო ჩვენებაზე ეწვევა „პიონერფილმის“ გადამღები ჯგუფი.

დასწრება თავისუფალია, დასაწყისი 3 საათზე.

ფილმის საპრემიერო ჩვენება 2 დეკემბერს თბილისში შედგა და დიდი მოწონება დაიმსახურა.

ფოტოზე: თბილისში, ფილმის პრემიერაზე