ხარაგაულის #2 საჯარო სკოლის ეკო კლუბი „მწვანე სამყარო“ და მისი მეგობრები 3 დეკემბერს NASA-ს ონლაინ ვებინარში ჩაერთვნენ.

NASA აფინანსებს საერთაშორისო საგანმანათლებლო, სამეცნიერო პროგრამას GLOBE (ვებგვერდი: globe.gov), რომელშიც ამჟამად მსოფლიოს 100 ქვეყნიდან მონაწილეობენ სკოლები.

CENN, საქართველოს განათლებისა და მეცნიერების სამინისტროსთან ერთად, ამ პროგრამის პარტნიორი გახდა.

„ონლაინ შეხვედრის თემა იყო „დედამიწის მწვანე საფარი, ხეები, სიცოცხლის არსი ჩვენს პლანეტაზე,“ – ამბობს ეკოკლუბის „მწვანე სამყარო“ ლიდერი თეა ტალახაძე, – ბრაიან კემპბელმა, ვინც ჩვენს ვებინარს წარმართავდა, დასაწყისშივე აღნიშნა, რომ საქართველო პირველად შეუერთდა ღონისძიებას და მადლობა გადაუხადა სკოლებს დაინტერესებისა და აქტიურობისათვის.

შეხვედრაზე გავეცანით NASA-ს მიერ გახორციელებულ პროეტებს, ვებ-გვერდებს, სადაც მათი აქტივობებია აღწერილი. დავათვალიერეთ, მსოფლიოს მრავალი ქვეყნის საქმიანობა. ვინაიდან საქართველო პირველად ჩაერთო პროექტში, NASA-ს „ხეების რუკაზე“ ჯერ მონიშნული არაა. თუმცა CENN-ის თანადგომით ეს დღეც მალე დადგება.

მადლობა ორგანიზაცია CENN-ს, ნიკო კეცხოველის სასკოლო პროექტს და ნინო ბრეგაძეს ამ საოცარი საღამოსთვის“, – ამბობს თეა ტალახაძე.