ხარაგაულის კულტურისა და დასვენების პარკში ორგანიზაციებს შორის მიზანში სროლის შეჯიბრი გაიმართა.

შეჯიბრში, რომელიც მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებით მოეწყო, ოცამდე მონაწილე ჩაერთო.

ამ სამსახურის სპორტის საკითხებში სპეციალისტის, ნინო ხარაძის ინფორმაციით, პირველი ადგილი დათო კვირიკაშვილმა (ხელოვნებისა და კულტურის ცენტრი), მეორე ადგილი – გელა ტაბატაძემ (დასუფთავებისა და კეთილმოწყობის სამსახური), ხოლო მესამე ადგილი გიორგი მაქაძემ (ხელოვნებისა და კულტურის ცენტრი) დაიკავა.

გამარჯვებულებს სიგელები და ფასიანი საჩუქრები გადაეცათ.