ხარაგაულის მუნიციპალიტეტის სოფლებში – კიცხსა და ლაშეში გაზიფიცირების სამუშაოები მიმდინარეობს.

ამ სოფლებში ბუნებრივი აირის ცენტრალურ მაგისტრალს შპს „ბილდინ-დეველოპერი“ მოაწყობს. კომპანიის საქმის მწარმოებლის, მამუკა მჭედლიძისგან მოპოვებული ინფორმაციით, კიცხში უკვე შეიტანეს მილები და დაიწყეს ორმოების გაჭრა. ამ ორ სოფელში გაზიფიცირების სამუშაოებისთვის ადგილობრივი მუშა-ხელი ესაჭიროებათ.

კიცხსა და ლაშეში გაზიფიცირება შპს „ბილდინ-დეველოპერმა“ ნოემბერში უნდა დაასრულოს. კონკრეტულ ოჯახებში ბუნებრივ აირს „სოკარ-ჯორჯია გაზი“ შეიყვანს.

ხარაგაულის მუნიციპალიტეტში ამჟამად გაზიფიცირებულია შემდეგი სოფლები: ბაზალეთი, ჯაფაროული, ისლარი, ახალსოფელი, ჩხერი, თეთრაწყარო.

საქართველოს მთავრობა მომდევნო სამი წლის განმავლობაში 223 სოფლის გაზიფიცირებას გეგმავს.