„ჩვენი ქართველი მეგობრები გზაში არიან, – წერს ლატვიის სახალხო თეატრი თავის ფეისბუქ გვერდზე, – ვემზადებით მათ დასახვედრად.

ველოდებით სპექტაკლს „ორნი“, რომელიც ლიმბაჟში საერთაშორისო თეატრალურ ფესტივალს –  „თამაშები სიამოვნებისთვის“ – დახურავს.

სპექტაკლი შარშან ხარაგაულში ჩვენი სტუმრობისას წარმოგვიდგინეს და ძალიან მოგვეწონა. კიდევ ერთხელ სიამოვნებით ვნახავთ სიყვარულის რეალურ ისტორიას“.

ხარაგაულის სახალხო თეატრი დღეს ლატვიაში საერთაშორისო თეატრალურ ფესტივალზე გაემგზავრა.