ხარაგაულის მუნიციპალიტეტის გამგებლობის კანდიდატად კოალიციიდან „ქართული ოცნება“ კობა ლურსმანაშვილი  წარადგინეს.

თვითმმართველობის არჩევნებში მონაწილე იმერეთის რეგიონის მუნიციპალიტეტების გამგებლობისა და ქუთაისის მერობის კანდიდატები დღეს, 3 მაისს, ქუთაისში, „ქართული ოცნების“ წინასაარჩევნო აქციაზე, პრემიერ-მინისტრმა ირაკლი ღარიბაშვილმა დაასახელა.
კობა ლურსმანაშვილი ამ მომენტისთვის ხარაგაულის მუნიციპალიტეტის გამგებელია.
„სავარაუდოდ, მომავალი კვირიდან, თანამდებობიდან გადავდგები, – ამბობს კობა ლურსმანაშვილი, – თუმცა კანონი ამას არ მავალდებულებს.“

„ქართული ოცნების“ წინასაარჩევნო აქციაზე კოალიციის მხარდამჭერები ხარაგაულის მუნიციპალიტეტიდანაც იმყოფებოდნენ.