ვლადიმირის ტელერადიოკომპანიამ „გუბერნია 33“ წლის პერსონის გამოსავლენად ონლაინ გამოკითხვა ჩაატარა.

გამოკითხვაში მონაწილეებს არჩევანი 12 კანდიდატს შორის უნდა გაეკეთებინათ. მსახიობებს, სპორტის ოსტატებს, ბიზნესმენებს, ყოფილ და მოქმედ პოლიტიკოსებს შორის გახლდათ ვლადიმირის უნივერსიტეტის რექტორი ანზორ სარალიძე. ანზორ სარალიძემ 924 ხმა მიიღო.

ანზორ სარალიძემ ხარაგაულის #1 საშუალო სკოლის დამთავრების შემდეგ სწავლა და ცხოვრება ვლადიმირში გააგრძელა. ის 2012 წლის მაისიდან ვლადიმირის პოლიტექნიკური და პედაგოგიური ინსტიტუტების გაერთიანების შემდეგ რექტორის მოვალეობის შემსრულებლად დაინიშნა. ანზორ სარალიძე 2018 წელს ვლადიმირის უნივერსიტეტის რექტორად ხელმეორედ ხუთი წლის ვადით აირჩიეს.