ქრისტეშობის სადღესასწაულო წირვა ხარაგაულში მშენებარე საკათედრო ტაძარში ჩატარდება.

წირვას მარგვეთისა და უბისის ეპისკოპოსი მეუფე მელქისედეკი (ხაჩიძე) აღავლენს. სამეუფეო ლიტურღია 6 იანვარს ღამის 23:00 სთ-ზე დაიწყება. ხარაგაულში საშობაოდ სამეუფეო წირვა პირველად ტარდება.

მაცხოვრის შობისა და თორმეტი მოციქულის სახელობის საკათედრო ტაძარი ხარაგაულში 2008 წლიდან შენდება. ტაძრის გუმბათზე 2018 წლის 21 ოქტომბერს ჯვარი აღიმართა.